Khaleel Tanveer
duur tak ek syahi ka bhanvar aa.ega
ḳhud men utroge to aisa bhi safar aa.ega
aankh jo dekhegi dil us ko nahin manega
dil jo dekhega vo a.ankhon men ubhar aa.ega
apne ehsas ka manzar hi badal ja.ega
aankh jhapkegi to kuchh aur nazar aa.ega
aur chalna hai to be-ḳhauf-o-ḳhatar niklo bhi
na kisi abr ka saaya na shajar aa.ega
ḳhatm ho ja.egi jab jashn-e-mulaqat ki raat
yaad bujhte hue ḳhvabon ka nagar aa.ega
Leave a Reply