raat ye kaun mire ḳhvab men aaya hua tha
sub.h men vadi-e-shadab men aaya hua tha
ik parinde ki tarah uḌ gaya kuchh der hui
aks us shaḳhs ka talab men aaya hua tha
main bhi us ke liye baiTha raha chhat par shab bhar
vo bhi mere liye mahtab men aaya hua tha
sard ḳhitte men sulagta hua jangal tha badan
aag se nikla to barfab men aaya hua tha
ye to sad-shukr ḳhayalon ne tire khinch liya
main to halat ke girdab men aaya hua tha
yaad hain dil ko mohabbat ke shab-o-roz ‘hasan’
gaanv jaise koi sailab men aaya hua tha
Leave a Reply