ye roz roz ka milna milana mushkil hai
vo kah raha hai ki va.ada nibhana mushkil hai
lagav us se mire jism-o-jan ko aisa raha
ki yaad rakhna hai asan bhulana mushkil hai
bichhaḌte vaqt mire honT si diye us ne
so asman ko sar pe uThana mushkil hai
ab aa ga.e ho sitare saja ke palkon par
tumhen bata to diya tha zamana mushkil hai
‘salim’ ‘fauz’ nahin ishq ehtiyat ka kaam
ye aag vo hai ki daman bachana mushkil hai
Leave a Reply