Poet
ye rang hai to kahan zabt ka rahega bharam
na ab vo naz-e-taghaful na mujh pe jaur-o-sitam
ye shaḳh-e-gul hai ki dil ki jarahaton ka alam
har ek gul nazar aata hai zaḳhm-e-be-marham
ghubar-e-rah kahin hai na koi naqsh-e-qadam
abhi abhi to yahin the musafiran-e-adam
ab aa ga.e hain to adab-e-mai-kashi ki qasam
bas ek jam-e-rifaqat janab-e-shaiḳh-e-haram
uTha tha kaun ye mina-ba-dosh-o-jam-ba-kaf
ki aaj TuuT ke barsa hai abr-e-be-mausam
kabhi haya ne kabhi kibr-e-husn ne roka
rahi to un ki tavajjoh idhar magar kam-kam
magar hai fitrat-e-insan men azari pinhan
tarashta hai har ik shaḳhs ḳhvahishon ke sanam
unhen bhi tark-e-ta.alluq ka ‘raz’ gham hai magar
baḌhegi baat agar ho ga.i vo aankh bhi nam
Leave a Reply