aftab-iqbal-shamim

Ye Ped Ye Pahad Zamin Ki Umang Hain

ye ped ye pahad zamin ki umang hain

saare nasheb jin ki uthanon pe dang hain

bahar ho habs phir bhi daricha khula rakhun

ye khud tasalliyan mire jiine ka Dhang hain

DhunDun ki intiha ki mujhe intiha mile

ye shash-jahat meri tamanna pe tang hain

ik umr ik makan ki taamir men lage

ayyam se ziyada garan khisht-o-sang hain

chahke hazar saut men ye tair-e-nazar

kirnon ke paas yuun to yahi saat rang hain

vaise hamen nadamat-e-be-chehragi nahin

har-chand tere shahr men be-nam-o-nang hain

More Poems

Leave a Comment