Poet
kuchh is ada se vo mere dil-o-nazar men raha
ba-qaid-e-hosh bhi main alam-e-digar men raha
ḳhud apni zaat pe mujh ko bhi iḳhtiyar na tha
tamam-umr main ik halqa-e-asar men raha
vo ishq jis ki zamane ko bhi ḳhabar na rahi
tire bichhaḌne se rusva nagar nagar men raha
rah-e-hayat men teri rifaqaten na sahi
tira ḳhayal to har-dam mujhe safar men raha
gham-e-zamana ne kis ko mafar hai ai ‘nadir’
sukun-e-qalb kahan ab kisi hunar men raha
Leave a Reply