ye nigah-e-sharm jhuki jhuki ye jabin-e-naz dhuan dhuan
mire bas ki ab nahin dastan mira kanpta hai ruvan ruvan
ye taḳhaiyyulat ki zindagi ye tasavvurat ki bandagi
faqat ik fareb-e-ḳhayal par miri zindagi hai ravan davan
mire dil pe naqsh hain aaj tak vo ba-ehtiyat navazishen
vo ghurur o- zabt ayaan ayaan vo ḳhulus o rabt nihan nihan
na safar ba-shart-e-ma.al hai na talab ba-qaid-e-saval hai
faqat ek seri-e-zauq ko main bhaTak raha huun kahan kahan
ho tilism-e-alam-e-rang-o-bu ki harim-e-anjum-o-kahkashan
mira saath degi nazar miri vo chhupenge ja ke jahan jahan
miri ḳhalvaton ki ye jannaten ka.i baar saj ke ujaḌ ga.iin
mujhe barha ye hua guman ki tum aa rahe ho kashan kashan
Leave a Reply