Fitrat Ansari
ye nahin kasrat-e-alam se jal jaate hain
dil tamanna-e-ḳhush-anjam se jal jaate hain
un se puchhe koi mafhum-e-hayat-e-insan
maqbaron men jo diye shaam se jal jaate hain
zikr aata hai mira ahl-e-mohabbat men agar
mere ahbab mire naam se jal jaate hain
sham.a jalti hai to ro deti hai soz-e-gham se
aur parvane to aram se jal jaate hain
sho.ala-e-barq se ham-rah-e-nasheman aksar
gulistan gardish-e-ayyam se jal jaate hain
Leave a Reply