marhale asan saare ho ga.e
tum hamare ham tumhare ho ga.e
aap se milna ḳhushi ki baat hai
aap to ankhon ke taare ho ga.e
miT ga.iin mahrumiyan aur fasle
sab se chhuT kar vo hamare ho ga.e
aap ke aate hi tariki ga.i
dil men raushan chand taare ho ga.e
aa.i jab girdab men kashti miri
duur nazron se kinare ho ga.e
ashk the ankhon men the jab tak miri
aa ke palkon par sharare ho ga.e
vo jo aa.e to miri qismat ke ‘soz’
kis qadar unche sitare ho ga.e
Leave a Reply