ahmad-shahryar

Duniya Se Har Rishta Toda Khud Se Ru-Gardani Ki

duniya se har rishta toda khud se ru-gardani ki

sirf tumhara dhyan rakha aur jiine men asani ki

majnun aur farhad hue jab ishq men sab barbad hue

tab jangal ne kuuch kiya sahra ne naql-e-makani ki

us ki mohni surat jaise phulon ka ameza hai

aur us ki avaz hai goya re-ga-ma-pa-dhani ki

bhuli-bisri yaad ne jab daryaft kiya ahval mira

dil ne zakhm kalam kiya ankhon ne ashk-bayani ki

ilm ka dam bharna chhodo bhi aur amal ko bhuul bhi jaao

aina-khane men ho sahib fikr karo hairani ki

More Poems

Leave a Comment