nusrat-mehdi

Ye Na Samjho Ki Kisi Dard Ke Izhaar Mein Thi

ye na samjho ki kisi dard ke izhar men thi

aarzu vaqt ke tuute hue pindar men thi

jaane kya DhunDhta phirta tha yahan mera vajud

ik udasi mire ghar ke dar-o-divar men thi

meri takhil men alfaz ki zanjiren thiin

zindagi varna zamane tiri raftar men thi

karti phirti thi ujalon ki qaba meri talash

aur main thi ki andheron ke kisi ghaar men thi

log samjhe hi nahin mere hunar ko varna

mujh men fankar tha poshida main fankar men thi

More Poems

Leave a Comment