Ye Mahshar-E-Soz-O-Saz Kya Hai

Shahab Jafri

ye mahshar-e-soz-o-saz kya hai

aḳhir mira imtiyaz kya hai

dil mahv-e-sada-e-dard kyuun hai

ye arz-e-hunar-gudaz kya hai

maf.hum-e-nava-e-raz kya tha

avaz-e-shikast-e-saz kya hai

Darta huun ki apna gham na ho jaa.e

apne se ye ehtiraz kya hai

pa kar bhi tujhe main sochta huun

miTne ka mire javaz kya hai

ab tu jo mila to main nahin huun

mujh se tira imtiyaz kya hai

kis kis ko bhula chuka huun ai gham

ye be-dili-e-niyaz kya hai

akasr to tira bura bhi chaha

kya janiye ḳhud pe naaz kya hai