ye kya ki rang hathon se apne chhuḌa.en ham
ilzam titliyon ke paron par laga.en ham
hoti hain roz roz kahan aisi barishen
aao ki sar se paanv talak bhiig jaa.en ham
ukta gaya hai saath ke in qahqahon se dil
kuchh roz ko bichhaḌ ke ab aansu baha.en ham
kab tak fuzul logon par ham tajrabe karen
kaghaz ke ye jahaz kahan tak uḌa.in ham
kirdar-saziyon men bahut kaam a.enge
bachchon ko vaqi.at baḌon ke suna.en ham
is kar-e-agahi ko junun kah rahe hain log
mahfuz kar rahe hain faza men sada.en ham
‘az.har’ sama.aten hain latifon ki muntazir
mahfil men apne sher kise ab suna.en ham
Leave a Reply