ye kya hava men uḌe aur paron se sher kahe
na.e parind se kah do sukun se sher kahe
jab ik ghazal se na TuuTa vo somnat-e-badan
to main ne satrah na.e zaviyon se sher kahe
har ek shaḳhs pe khulta kahan hai bab-e-ata
aziiz ham ne baḌi minnaton se sher kahe
suḳhan buland tha tum se so dekh lo ham ne
tumhare ba.ad sabhi sar-nigun se sher kahe
bujhegi tishna-labon ki hamare sher se pyaas
ye soch kar hi khule paniyon se sher kahe
ḳhabar thi chhanv ko tarsega vo kabhi na kabhi
so ‘raz’ ham ne bahut bargadon se sher kahe
Leave a Reply