Raza Hamdani
ye kis maqam pe Thahra hai karvan-e-vafa
na raushni ki kiran hai kahin na taaza hava
hui hai jab se yahan nutq-o-lab ki baḳhiya-gari
siva.e hasrat-e-iz.har dil men kuchh na raha
is ehtimam se shab-ḳhun paḌa ki muddat se
ujaaḌ si nazar aati hai shahr-e-dil ki faza
tamam umr usi ki talash men guzri
vo ek aks jo a.ina-e-nazar men na tha
ye kis ne aaj dabe-panv dil men aate hi
ḳhayal-o-fikr ka qufl-e-sukut toḌ diya
kuchh is tarah se tiri yaad ki mahak aa.i
ki jaise daman-e-sahra men koi phuul khila
shikast-e-dil pe ‘raza’ ham bhi TuuT kar ro.e
magar na itne ki so hi sake na ham-saya
Leave a Reply