Syed Amin Ashraf
ye kis ke naam se raushan tha goshvara-e-shab
ki asman pe larazta raha sitara-e-shab
tamam ru-e-nigarin dil-o-dar-o-divar
ki yad-e-mehr-e-nazar hasil-e-ḳhasara-e-shab
ḳhusha vo sarḳhushi-e-sa.at-e-shab-didar
kuja farogh-e-mah-o-mai kuja nazara-e-shab
shab-e-gham-o-bar-e-shirin-e-jan salam tujhe
ḳhayal abr se nikla hai mah-para-e-shab
nazar ulajhti rahi ḳhal-o-zulf se ta-der
samajh men aa gaya mafhum-e-isti.ara-e-shab
firaq-e-yar se beganagi nahin sabit
ḳhayal-e-vasl bhi hoga jo ho ishara-e-shab
Leave a Reply