ye ka.enat tira mo.ajaza lage hai mujhe
ḳhuda nahin hai magar tu ḳhuda lage hai mujhe
na apne haath uThao na iltimas karo
kabhi kisi ki batao dua lage hai mujhe
kise ḳhabar hai ki kab chalti saans ruk jaa.e
ye zindagi bhi fareb-e-qaza lage hai mujhe
tire visal ne bechain kar diya tha bahut
tira firaq hi dil ki dava lage hai mujhe
har ek chiiz ki ankhon se ḳhuun jaari hai
tamam ḳhalq-e-ḳhuda gham-zada lage hai mujhe
ye na-tavani-e-qalb-o-jigar pe bar-e-garan
guzishta vaqt ka ik hadsa lage hai mujhe
Leave a Reply