Rajesh Reddy
ye jo zindagi ki kitab hai ye kitab bhi kya kitab hai
kahin ik hasin sa ḳhvab hai kahin jan-leva azaab hai
kahin chhanv hai kahin dhuup hai kahin aur hi koi ruup hai
ka.i chehre is men chhupe hue ik ajiib si ye naqab hai
kahin kho diya kahin pa liya kahin ro liya kahin ga liya
kahin chhin leti hai har ḳhushi kahin mehrban be-hisab hai
kahin ansuon ki hai dastan kahin muskurahaTon ka bayan
kahin barkaton ki hain barishen kahin tishnagi be-hisab hai
Leave a Reply