Ye Jo Subh Ke Bich Diwar-E-Shab Si uThi Lagti Hai

ye jo sub.h ke biich dīvār-e-shab sī uThī lagtī hai

hai aks-e-tahayyur kī ye dāstāñ aur sunī lagtī hai

jo maiñ ḳhvāhishoñ meñ ghirī chup bharī sā.ateñ taktī huuñ

mujhe un ke andar talak tirī ḳhvāhish gaḌī lagtī hai

tirā vird kartī huī āsmāñ se utartī huī

koī nuur jaisī duā chār-sū gūñjtī lagtī hai

mire aa.ine meñ jo tasvīr terī ubhar aa.ī hai

ye jhuTlāne se fā.eda? mujh ko ye raushnī lagtī hai

faqat mere chehre pe hī rañg khil ke nahīñ utre haiñ

shafaq shaam kī merī ā.ankhoñ se bhī jhāñktī lagtī hai

Leave a Comment