Naheed Virk
ye jo sub.h ke biich divar-e-shab si uThi lagti hai
hai aks-e-tahayyur ki ye dastan aur suni lagti hai
jo main ḳhvahishon men ghiri chup bhari sa.aten takti huun
mujhe un ke andar talak tiri ḳhvahish gaḌi lagti hai
tira vird karti hui asman se utarti hui
koi nuur jaisi dua char-su gunjti lagti hai
mire aa.ine men jo tasvir teri ubhar aa.i hai
ye jhuTlane se fa.eda? mujh ko ye raushni lagti hai
faqat mere chehre pe hi rang khil ke nahin utre hain
shafaq shaam ki meri a.ankhon se bhi jhankti lagti hai
Leave a Reply