tarab ke maḳhmase gham ke jhamele
dil-e-nadan ne lakhon khel khele
ga.e ik ek kar ke ham-safar sab
hamin zinda hain marne ko akele
gham-e-dauran se utni baar haare
gham-e-janan se jitni baar khele
dil aḳhir taab laata bhi to kab tak
qayamat the tamannaon ke rele
ye duniya ḳhatm ho ja.egi aḳhir
na honge ḳhatm duniya ke jhamele
na koi ham-ḳhayal ai ‘arsh’ paaya
rahe ham anjuman men bhi akele
Leave a Reply