Tarab Ke maKHmase Gham Ke Jhamele

tarab ke maḳhmase ġham ke jhamele

dil-e-nādāñ ne lākhoñ khel khele

ga.e ik ek kar ke ham-safar sab

hamīñ zinda haiñ marne ko akele

ġham-e-daurāñ se utnī baar haare

ġham-e-jānāñ se jitnī baar khele

dil āḳhir taab laatā bhī to kab tak

qayāmat the tamannāoñ ke rele

ye duniyā ḳhatm ho jā.egī āḳhir

na hoñge ḳhatm duniyā ke jhamele

na koī ham-ḳhayāl ai ‘arsh’ paayā

rahe ham anjuman meñ bhī akele

Leave a Comment