ye jo parda hai kisi roz uThaya jaa.e
kaun huun main ye zamane ko bataya jaa.e
aarzu ye hai ki divana kaha jaa.e mujhe
naam le kar na mira mujh ko bulaya jaa.e
jumbish-e-chashm se naghma hui jaati hai faza
kya qayamat ho labon ko jo hilaya jaa.e
vo miri fikr ki banhon men nahin aa sakta
sochta huun use siine se lagaya jaa.e
jis ka ma.abud hai chaḌhta hua suraj ‘bedi’
us ko ehsas andhere ka dilaya jaa.e
Leave a Reply