ye jo mujh men azaab hai pyare
us ki chup ka javab hai pyare
aas ab asman se rakkhi hai
chhat ka mausam ḳharab hai pyare
ashk aahen ḳhushi Thahake saath
zindagi vo kitab hai pyare
pyaar agar hai to is ki had paana
sabse mushkil hisab hai pyare
kaT chuki hain tamam zanjiren
phir bhi ḳhana-ḳharab hai pyare
kaun tera hai kis ka hai tu bhi
aisa koi hisab hai pyare
dil men chhap kar bhi ḳhushbuen degi
har tamanna gulab hai pyare
Leave a Reply