Sufi
ye jo laga hai tiir mujhe ai kaman-e-ishq
mahshar men dekhiyo yahi hoga nishan-e-ishq
sur khinche aah khaak se meri jo misl ne
hai kya ajab ki huun main shahid-e-sinan-e-ishq
maqdur kya jo kah sukun kuchh ramz-e-ishq ko
juun shama huun agarche sarapa zaban-e-ishq
parvez ne mitane men taqsir to na ki
rah gai zaban-e-tesha pe ye dastan-e-ishq
dil khone par jo rote ho ai hamdamo abas
tuk aankh khol dekho ki jaata hai jan-e-ishq
Leave a Reply