Ye Jo Kuchh Aaj Hai Kal to Nahin Hai

Taj Bhopali

ye jo kuchh aaj hai kal to nahin hai

ye sham-e-gham musalsal to nahin hai

main akasr raston par sochta huun

ye basti koi jangal to nahin hai

yaqinan tum men koi baat hogi

ye duniya yunhi pagal to nahin hai

main lamha lamha marta ja raha huun

mira ghar mera maqtal to nahin hai

kisi par chha gaya barsa kisi par

vo ik avara badal to nahin hai