Bashar Nawaz
dil ke har dard ne ashar men dhalna chaha
apna pairahan-e-be-rang badalna chaha
koi an-jani si taqat thi jo aade aai
varna ham ne to bahar-gam sambhalna chaha
chahte to kisi patthar ki tarah ji lete
ham ne khud mom ki manind pighalna chaha
ankhen jalne lagin tapte hue bazaron men
dil ne jab bhi kisi manzar pe machalna chaha
sirf ham hi nahin har ek ne jiine ke liye
ik na ik jhute sahare se bahalna chaha
kaun hai ye jo sisakta hai mire siine men
kaun hai jis ne mire khuun pe palna chaha
Leave a Reply