palkon ke tale jhiil chhupa.e hue huun main
haan dard ke dariya men naha.e hue huun main
andhi ka ujalon se idhar raag chhiḌa hai
aur ḳhvahishon ke diip jala.e hue huun main
hairan huun ye a.ine men kaun hai mujh sa
muddat hui hai ḳhud ko bhula.e hue huun main
ye ḳhvab ki faslen ye ḳhayalon ke baghiche
mausam ki nigahon se bacha.e hue huun main
tufan to dafna liya hai apne labon men
par kuchh hansi ke phuul saja.e hue huun main
Leave a Reply