ye jo ham apni ḳhanqah men hain
is ka matlab tiri nigah men hain
thak chuka huun main in se mil mil kar
aur kitne daraḳht raah men hain
sher par daad de rahe ho tum
tanz lekin tumhari vaah men hain
ye jo masti hai gham ka parda hai
qahqahe gum hamari aah men hain
chand nikla nahin abhi lekin
kuchh sitare charagh-gah men hain
tum ‘fida’ kyon nahin hue un par
vo jo ab tak tiri nigah men hain
Leave a Reply