aftab-iqbal-shamim

Wo Itr-e-Khak Ab Kahan Pani Ki Bas Mein

vo itr-e-khak ab kahan paani ki baas men

ham ne badal liya hai piyala gilas men

kal raat asman mira mehman raha

kya jaane kya kashish thi mire iltimas men

mamnun huun main apni ghazal ka ye dekhiye

kya kaam kar gai mire gham ke nikas men

main qaid-e-haft-rang se azad ho gaya

kal shab naqab laga ke makan-e-havas men

phir ye fasad-e-firqa-o-maslak hai kis liye

tu aur main to ek hain apni asaas men

More Poems

Leave a Comment