ye jo ik shaḳh hai hari thi abhi
us jagah par koi pari thi abhi
sar-basar rang-o-nur se labrez
ik surahi yahan dhari thi abhi
ḳhaak kaisi hai mere paanv tale
saat rangon ki ik dari thi abhi
is ḳharabe men koi aur bhi hai
aah kis ne yahan bhari thi abhi
saneha koi yaan se guzra hai
ye faza kyuun dari dari thi abhi
main basata tha us ke dil men ghar
aur qismat men be-ghari thi abhi
kyuun na karte ham us ki dildari
us men kuchh ḳhu-e-dilbari thi abhi
Leave a Reply