Ye Jab Hai Ki Ek KHwab Se Rishta Hai Hamara

ye jab hai ki ik ḳhvāb se rishta hai hamārā

din Dhalte hī dil Dūbne lagtā hai hamārā

chehroñ ke samundar se guzarte rahe phir bhī

ik aks ko ā.īna tarastā hai hamārā

un logoñ se kyā kahiye ki kyā biit rahī hai

ahvāl magar tū to samajhtā hai hamārā

har moḌ pe paḌtā hai hameñ vāsta is se

duniyā se alag kahne ko rasta hai hamārā

Leave a Comment