Ye Hijraton Ke Tamashe, Ye Qarz Rishton Ke

Moid Rashidi

ye hijraton ke tamashe, ye qarz rishton ke

main ḳhud ko joḌte rahne men TuuT jaata huun

miri ana mujhe har baar rok leti hai

bas ek baat hai kahne men TuuT jaata huun

zamin ka karb, lahu, dard, gardish-e-paiham

ik izhdiham hai, sahne men TuuT jaata huun

main ik nadi huun miri zaat ik samundar hai

main apni ḳhaak pe bahne men TuuT jaata huun