Shakeel Azmi
nadi ka aab diya hai to kuchh bahav bhi de
miri ghazal ko naya-pan bhi de rachav bhi de
chala ke sard hava mujh ko munjamid bhi kar
pighal ke phailna chahun to ik alaav bhi de
ki jis ke dard ka ehsas tere jaisa ho
kabhi kabhi miri fitrat ko aisa ghaav bhi de
azab-e-sail-e-musalsal jo de raha hai mujhe
to sat.h-e-ab pe chalne ko ek naav bhi de
musafirat ke ka.i marhale tamam hue
ki meri ḳhana-badoshi ko ab paḌav bhi de
Leave a Reply