Poet
ye ghar sarab-e-tamanna dikha.i deta hai
jise bhi dekhiye pyasa dikha.i deta hai
ye ka.enat bhi ik ḳhvab-e-na-tamam si hai
aur is ka silsila dhoka dikha.i deta hai
qarib aa.e to lagta hai jism ḳhushbu ka
vo duur se koi sho.ala dikha.i deta hai
main ik makan ki tarif kis tarah kar duun
ye saara shahr hi achchha dikha.i deta hai
hazar chehre dhundlakon men kho ga.e ‘ash.har’
jidhar bhi dekhiye sahra dikha.i deta hai
Leave a Reply