Kuchh Taur Nahin Bachne Ka Zinhaar Hamara

kuchh taur nahin bachne ka zinhar hamara

ji le hi ke javega ye azar hamara

kuche se tire kuuch hai ai yaar hamara

ji le hi chali hasrat-e-didar hamara

tu ham ko utha lijiyo us vaqt ilahi

jis vaqt uthe pahlu se dildar hamara

yaara hai kahan itna ki is yaar ko yaaro

main ye kahun ai yaar hai tu yaar hamara

ham padshah-e-mumlikat-e-ishq hain nahaq

mansur sa maara gaya sardar hamara

kah dijiyo makhuli ko ai gardish-e-talea

haan jaldi se la takht-e-hava-dar hamara

abru ki tiri bait ki kiya baat va-lekin

hai aah ka misra bhi dhuan-dar hamara

‘ehsan’ tu ghazal farsi hi apni kaha kar

dil rekhta tere se hai bezar hamara

Leave a Comment