Maratib Akhtar
ye ghar ke bhed hain kahun kaise zaban se
kya dukh mile hain mujh ko mere bha.i-jan se
cafe ke ek kone men masruf guftugu
maghmum be-hayat badan be-zaban se
ye din jo aaj biit gaya phir na aa.ega
ye tiir bhi nikal gaya qaus-e-kaman se
achchhe bashar hain jin ko nahin DhunDne ki dhun
achchha ḳhuda hai duur hai vabastgan se
ulTe kun.en ke qutr men laTka diye ga.e
utre the do farishte kabhi asman se
Leave a Reply