ye fitrat ki haqiqat hai jo jhuTla.i nahin jaati
hai kya shai putla-e-ḳhaki men jo paa.i nahin jaati
huzur-e-husn men ye ishq ki ḳhuddariyan nadan
tamanna arz ki jaati hai farma.i nahin jaati
mujhe ai dil usi kuche usi mahfil men phir le chal
tabi.at mai-kade men mujh se bahla.i nahin jaati
mira rona mire bas men nahin hai naseh-e-mushfiq
ghaTa ye ḳhud baras jaati hai barsa.i nahin jaati
zara sa guftugu men moḌ ho to chaunk uThti huun
miri divangi se itni dana.i nahin jaati
na vo divangi hai ab na vo sahra na vo kanTe
magar talvon se shan-e-abla-pa.i nahin jaati
un ankhon se ziya-e-mehr ki ummid ai ‘raje’
jin ankhon men mohabbat ki ramaq paa.i nahin jaati
Leave a Reply