Ye Ek Shajar Ki Jis Pe Na kanTa Na Phul Hai

ye ik shajar ki jis pe na kāñTā na phuul hai

saa.e meñ us ke baiTh ke ronā fuzūl hai

rātoñ se raushnī kī talab haa.e sādgī

ḳhvāboñ meñ us kī diid kī ḳhū kaisī bhuul hai

hai un ke dam-qadam hī se kuchh ābrū-e-zīst

dāman meñ jin ke dasht-e-tamannā kī dhuul hai

sūraj kā qahr sirf barahna saroñ pe hai

pūchho havas-parast se vo kyuuñ malūl hai

aao havā ke haath kī talvār chuum leñ

ab buz-diloñ kī fauj se laḌnā fuzūl hai

Leave a Comment