Abul Hasanat Haqqi
ye ik aur ham ne qarina kiya
dar-e-yar tak dil ko ziina kiya
badal di hai sab surat-e-ab-o-khak
magar jab lahu ko pasina kiya
vo kashti se dete the manzar ki daad
so ham ne bhi ghar ka safina kiya
kahan ham tak aaya koi raaz jo
kahan ham ne dil ko dafina kiya
faqiron ka ye bhi tilismat hai
lahu rang ko abgina kiya
chamakne laga phir gham-e-raegan
magar ek jab zakhm-o-sina kiya
Leave a Reply