Ye Duniya Har Qadam Par Aadmi Ka Imtihan Kyon Hai

Munib Muzaffarpuri

ye duniya har qadam par aadmi ka imtihan kyon hai

juda har aadmi se aadmi ka karvan kyon hai

mohabbat saari duniya ke liye ruh-e-ravan kyon hai

siyasat ke falak par aaj nafrat ka dhuan kyon hai

hazaron jaan de kar jis ne hasil ki hai azadi

tamasha ban ke duniya men vahi hindostan kyon hai

hava to muḳhtalif hai na muafiq bhi muḳhalif bhi

mo.attar in havaon se hamara jism-o-jan kyon hai

jise bhi dekhiye vo luTne ke fan men hai mahir

havas ki gharz men ye zindagi ka karvan kyon hai

javani jis ne bachchon ke liye qurban kar Daali

buḌhapa us ka bachchon ke liye bar-e-garan kyon hai

kisi ma.asum ki eḌi se jab chashma ubalta hai

sunami kaise aati hai ‘munib’ atish-fishan kyon hai