Tajdar Adil
ye daur vo hai ki jis ka nasab nahin koi
udaas huun to bahut huun sabab nahin koi
vo jis men yadon ke raushan charagh jalte hain
bahut si raten hain lekin vo sab nahin koi
gavah tha jo hamari tumhari chahat ka
shajar vo ab bhi vahan hai aur ab nahin koi
isi umiid pe raushan hai ḳhvahishon ka nagar
vo aa bhi jaa.e palaT kar ajab nahin koi
use suna hai ki ab zindagi mubarak hai
hamen bhi saare jahan se talab nahin koi
Leave a Reply