ye bhi mumkin hai ki ankhen ho tamasha hi na ho
raas aane lage ham ko to ye duniya hi na ho
zindagi chahen to ḳhvabon se siva kuchh na mile
Dubna chahen to hasil hamen dariya hi na ho
dil ko ḳhush karne ko DhunDe hain bahane ham ne
ab palaT kar zara dekhen kahin aaya hi na ho
ab to bas sa.at-e-gum-karda ki yaden baaqi
ye vo jangal hai ki jis men koi rasta hi na ho
kaam kya dega vo TuuTa hua a.ina bhi
yaad rakhne ko vahi aks vo chehra hi na ho
hijr ko shauq-e-mudava hi samajh kar ji len
zindagi tujh se ulajhne ka to yaara hi na ho
Leave a Reply