Ubur Kar Na Sake Hum Haden Hi Aisi Thin

ubuur kar na sake ham hadeñ hī aisī thiiñ

qadam qadam pe yahāñ mushkileñ hī aisī thiiñ

vo mujh se ruuTh na jaatī to aur kyā kartī

mirī ḳhatā.eñ mirī laġhzisheñ hī aisī thiiñ

kahīñ dikhā.ī diye ek dūsre ko ham

to muñh bigāḌ liye ranjisheñ hī aisī thiiñ

bahut irāda kiyā koī kaam karne kā

magar amal na huā uljhaneñ hī aisī thiiñ

butoñ ke sāmne apnī zabān kiyā khultī

ḳhudā muaaf kare ḳhvāhisheñ hī aisī thiiñ

Leave a Comment