Ye Aur Baat Teri Gali Mein Na Aaen Hum

Habib Jalib

ye aur baat teri gali men na aa.en ham

lekin ye kya ki shahr tira chhoḌ jaa.en ham

muddat hui hai ku-e-butan ki taraf ga.e

avargi se dil ko kahan tak bacha.en ham

shayad ba-qaid-e-zist ye saa.at na aa sake

tum dastan-e-shauq suno aur suna.en ham

be-nur ho chuki hai bahut shahr ki faza

tarik raston men kahin kho na jaa.en ham

us ke baghair aaj bahut ji udaas hai

‘jalib’ chalo kahin se use DhunDh laa.en ham