aalok-shrivastav

ye aur baat dur rahe manzilon se hum

ye aur baat duur rahe manzilon se ham

bach kar chale hamesha magar qafilon se ham

hone ko phir shikar nai uljhanon se ham

milte hain rose apne kai doston se ham

barson fareb khate rahe dusron se ham

apni samajh men aae badi mushkilon se ham

manzil ki hai talab to hamen saath le chalo

vaqif hain khuub raah ki barikiyon se ham

jin ke paron pe subh ki khushbu ke rang hain

bachpan udhar laae hain un titliyon se ham

kuchh to hamare beach kabhi duriyan bhi hon

tang aa gae hain rose ki nazdikiyon se ham

guzren hamare ghar ki kisi rahguzar se vo

parde hataen dekhen unhen khidkiyon se ham

jab bhi kaha ki yaad hamari kahan unhen

pakde gae hain thiik tabhi hichkiyon se ham

More Poems

Leave a Comment