zindagi dasht men jab chhoḌ ke aati hai hamen
teri yadon ki mahak DhunDh ke laati hai hamen
rakh de ankhon pe meri ghaflaton vaala chashma
is se duniya baḌi behtar nazar aati hai hamen
ek hi taal men har nabz ka chalte rahna
tum na samjhoge ye tartib Darati hai hamen
dard-e-tanha.i taḌap soz ḳhala bechaini
lafz kya kya ye mohabbat bhi sikhati hai hamen
jitni mushkil se nibhate hain mohabbat ham tum
utni mushkil se mohabbat bhi nibhati hai hamen
Leave a Reply