ye alag baat ki rah rah ke sada aa.i hai
main ne bhi ab ke na sunne ki qasam khaa.i hai
ab vo ik naam pukarun to zaban chhil jaa.e
haan vahi naam ki jo hasil-e-goya.i hai
raat din yaar ki galiyon men paḌa rahta huun
ishq ka ishq hai rusva.i ki rusva.i hai
aisi tanha.i ka aalam hai ki dil Duub gaya
aur is par ye ghazab hai teri yaad aa.i hai
tum agar ḳhuun bhi ro.o to bhala kya hasil
ham na kahte the vo laḌki baḌi harja.i hai
haa.e vo ankhen jo raushan hain tasavvur men mire
haa.e vo shakl jo ghazlon men utar aa.i hai
ab ye aalam hai ki ash.ar men ḳhuun thukta huun
aur vo kahte hain faqat qafiya-paima.i hai
ishq ja nikla tha phir ku-e-malamat ki taraf
aql phir khinch ke divane ko le aa.i hai
haa.e vo alam-e-sad-shauq use chuum liya
tera paigham jo chupke se saba laa.i hai
Leave a Reply