Ameeta Parsuram Meeta
ye aarzu hai ki ab koi aarzu na rahe
kisi safar kisi manzil ki justuju na rahe
ajiib dil hai isi dil ka ab taqaza hai
kisi bhi bazm men ab us ki guftugu na rahe
maza tabhi hai mohabbat men gharq hone ka
main Duub ja.un to ye ho ki tu bhi tu na rahe
batao un ki ibadat qubul kya hogi
namaz-e-ishq men jo log ba-vazu na rahe
ḳhuda bana diya un ko meri mohabbat ne
hamesha dil men rahe aur ru-ba-ru na rahe
Leave a Reply