Sufi

Dosto Tumne Ajab Ye Ehtimam-e-Gham Kiya

dosto tum ne ajab ye ehtimam-e-gham kiya

qatl suraj kar diya phir raat bhar matam kiya

yaad rakhegi ye duniya us ko sadiyon dosto

jan-e-bar-haq jis ne de di sar na lekin kham kiya

kamyabi kis tarah hoti hamen hasil bhala

sochte aksar rahe ham kaam lekin kam kiya

karzar-e-zindagi men khud ko ham ne dosto

barha shoala kiya to barha shabnam kiya

ek muddat se hamare darmiyan thi dosti

us ne kaise dushmani ka faisla ik dam kiya

vahshaten palne lagin ‘masud’ saare shahar men

jab se milna aadmi ne aadmi se kam kya

More Poems

Leave a Comment