Rote Rote Tanha Chalte Girte-paDte Thak Sa Gaya Hun

Poet

rote rote tanha chalte girte-paḌte thak sa gaya huun

koi anchal koi sathi koi sahara DhunD raha huun

rang-birange kapḌon men ik majma.a mele se aaya hai

koi chehra un chehron men tere jaisa DhunD raha huun

ai gulshan ke rahne vaalo men tum ko kya yaad karunga

phuul nahin to kanTe bhar do jholi phaila.e baiTha huun

pahle ḳhud ko to samjha le auron ko samjhane vaale

tu bhi ḳhud men ik aalam hai main bhi ḳhud men ik duniya huun

chanchal begana sauda.i hansmukh farzana harja.i

ek zara sa jism hai jis men chhe chhe ‘ashk’ liye phirta huun