Neel Ahmed
divar pe mazdur ki tasvir saja kar
akhbar ke kone men khabar ek laga kar
kuchh card bhi mazdur ke hathon men utha kar
do-char gharibon ko bhi dharti pe bitha kar
un men se kisi ek ko stage par la kar
phir us ki kahani sabhi logon ko suna kar
taqrir kara kar to kabhi taali baja kar
mazdur ko mazdur ka irfan dila kar
aur apne taiin kar-e-muqaddas ko nibha kar
har saal ye ehsan jatate hain bade log
mazdur ka phir jashn manate hain bade log
Leave a Reply